مبادئ الغلاسه والرخامه

السلام عليكم
ازيكم يا جماعه
دول بقى بالصلا عالنبى بعض مبادئ التباته والغلاسه والظراف اللى ما لهاش لزمه وياريت وانتم بتقولوها تعرفوا انتم بتقولوها لمين لانى بحذركم من العواقب ربنا يستر
يلا نبدا

لما تسأل واحد وتقلوا أقول ولا مقولش ..يقلك قول ..قله قول وطعميه .

لما تسأل واحد وتقله صح ولا غلط ..يقلك صح ..قله صح النوم

لما تسأل واحد وتقله الكلام دا حصل ..قالك حصل ..قله حصل وطحينه

لما واحد يقلك انا جيت نورت البيت قله ..لا دا نور الكهربه

لما تسأل واحد وتقله دا احلى ولا دا ..وقالك سيان ..قله سيانى بتوجعنى انا لازم اروح لدكتور السيان

لماتسال واحد ايه رايك فى حاجه ..وقالك جامده ..قله جامده برباط ... و لا جامدة ما بتتكسرش

لما تلاقى واحد لابس شيك كده او عامل حاجه حلوة ..قله ايه الحلاوه ديه مافيش جبنه

لما واحد يقلك انه بيعمل حاجه ومش راضيه تتعمل ..قله ما انت فقر .... اه فقر وقطه

لما واحد يقلك طز فى اي حد .. قله طز بلبن

لما واحد يقلك دا انا مفيش زييي واحنا اللى دهنا الهوا دوكو .. قله احنا اللى عملنا الهوا كروهات ... ولبسنا السمك مايوهات ... وخرمنها لما حبينا نغرقوا

لما تلاقى شب بيستظرف قله : ايه يلا العسل ده مولود ف بالاص ولا امك نحله

لو لقيت حد لابس قميص مكرمش قله ايه القميص الى طالع من بق كلب ده .... ولو لون القميص غريب قله في منه رجالي ده ؟!؟! ساعتها هتلاقي قفاك إحمررررر (أنا قولت راعي فرق الحجم)

لو حد استظرف عليك قال على قميصك مافيش منه رجالى؟ ... قله لا والله ده اخر واحد

لو حبيت تخنق حد قله معاك ولا عه يقولك لا – ولا كبريت .... لا – ولا ظلتين عشان نولع بالشراره ... لا – طب معاك بوتجاز .... لا - ؟؟؟امال بتاكل الأكل نى ولا ايه .....

إلخ إلخ لحد مايضربك

متنسوش
الصلاه عالنبى
&
لا الاه الا الله عدد ما كان وعدد ما سيكون زعدد الحركات والسكنات

الله عليكى يا روبى
ايون كده يا بنتى فرفشى الناس اللى هنا دايما باحلى مواضيع ليكى
ودايما فى المقدمه يا قمر
وميرسى على التوبيك الجامد جدا ده
_________________

ميرسى ليكى يا قمر ع مرورك المميز
_________________

نياهاهاهاهاهاهاها انا ديما بقول ان دمك زى العسل وربنا

بجد انا ضحكت من قلبى تسلم ايدك
_________________

ميرسى يا هتلر وشكرا ع مرورك
_________________

الاول بدون غلاسة كده موضوع تمام

بس هو انا كنت عايز اعرف هى دى رخامة فعلا

ده على كده كل اصحابى مش طيقنى

اصل انا بعملها فيهم على طووول

هههههههههههههههههههه

مرسى يا قمر على الموضوع
_________________

We can't find love
LOVE find us
ELkopTaaN

هههههههههههههههههههه
مرسى ليكى بجد على الموضوع دا
موضوع تمام
بس انا عاوز اقول ان انا امر من كدا
واكيد هتلر وروميل والقبطان ومولتو وسيزر وكل الشلة عارفة كدا
تقبلى مرورى
_________________